پؤلؤرو در کانون توجه

در ادامه، هر آنچه باید درباره «پؤلؤرو» بدانید به همراه مهم‌ترین جزئیات و اطلاعات تکمیلی ارائه شده است.

در ادامه، تمامی اطلاعات موجود درباره این موضوع به صورت یکجا گردآوری شده است تا بتوانید بدون نیاز به مراجعه به منابع مختلف، جزئیات کامل را مطالعه کنید.

پؤلؤرو آی پؤلؤرو، تو گل ئاگیر مره خو همرا ببور

مره وأکش خشچال ˇ خانی أجی، ایمه جیرگئن میج أجی، دیو ˇ دتور

پؤلؤرو آی پؤلؤرو، ایلاهی دتاوه خور

کوهانی توکال ˇ سر، آو ئابوم مو پرسالی ورفان ˇ جور

دل ئاشوم یلاقی جو یؤ خانیکان

ور ئادئم سورخ ˇ تله ' تن ئاگیرم، دکئه خون اشکور ˇ چاککان ؤ باغانی جان

می یه پأره ببو واش، وأچرن می سرسر '  تاشانی شا، بورز ˇ بزاکو،

خؤجیر آرنگ ˇ کلان

یه پاره انی بچرن زأجه مالان،  بزابون ؤ نفتˇچاک، زرو لات ؤ مئنˇکو،

ماسراش ˇ سری وشور

شیر دکئه اوشانی سینه ' ، کره ؤ پندیران ' گالش بفرشه،

خؤر بؤخؤره دوو یؤ لور

ایمه جیرهأم پؤلؤرو، پؤلؤرو آی پؤلؤرو مره خو همرا ببور

یه پاره انی بیه جیرتر ببو بور

که بچینه کوچ ˇ لاکو بولوش '

نبدا میوه یه ناجه ' ببوره خو همرا گور

پؤلؤرو آی پؤلؤرو یه پاره همباره تر تۋل ئانبی

لات ˇ دل سنگان ˇ سر، مائارئه خو تر وچه ئک ' کول ئاگیتئه چاشؤو اجی

فوکونه تی جان ˇ آو ' تاس اجی کوتونه تلیک ؤ قالی ' شورواشور

پؤلؤرو آی پؤلؤرو دکوشأن پلنگ ˇ تئیش ' دکئه وی گازان ' زور

بدأر ئی نامرد ˇ خوکان ˇ گؤلی ' گاز دکونه، اوشانی خون ' زمی سر فوکونه

ببو کمتر وکئه فوندوق باغ ˇ سر خلک ˇ عذاب، خوکان ˇ سور

پؤلؤرو آی پؤلؤرو تو گل ئاگیر مره خو همرا ببور

بشیم اندی برسیم سئپورد ˇور، سلم ˇ تله، بکشیم شول،

تله ' خؤندش دپیچه، تو بکش غییه پؤلؤرو تو بگور

نبدا وأکی بؤگی مو دئه نشوم، ورزگر بیجار ˇ دل آوبره ' میزان بؤگودئه،

بگیتئه پور، پؤلؤرو بیه بشیم مشت ئاکونیم آو ' سونور

پؤلؤرو آی پؤلؤرو بیه همباره ترئه تیته بؤکون لمان ˇ دل

سألی زن ریفا هیسئه تی تیته ره واکونه تور

تا ببو چی اونی قسمت، خرج ؤ سیفید مایی یا انی کپور

پؤلؤرو آی پؤلؤرو فکئه ایشلله تی دوشمندانی نام، اوشانی

که فبرن تی رؤگه وأزیک ' مؤدام

قانونی تی رؤگه یه چال ئاگودئن، لات ˇ گل کند ' همه ' وال ئاگودئن

تی خؤنه خون ˇ ره انی نقشه کشن

خأن فودوشن کاسپی دریا ' ، بؤکونن آوان ' شور

کؤؤل ئابو برسی دریا پؤلؤرو موشت ئاگئن، تو ببو روشن ؤ تور

تؤ پؤلؤرویی پؤلؤرو تو بکش غییه، پؤلؤرو تو بگور